西貢／大灘郊遊徑

沒難度的郊遊徑，竟能找到一塊危立岸邊的大懸崖，算是有點驚喜。
今次是為了工作，屬於雜誌奮路行山隊．第二擊的路線，我背著一個煲三枝水行個痛快。（第1擊是大刀刃；第1.5擊，因為雙鹿石澗入口水位過高而取消。）故事將於30Nov出版。
跟同事Kent、攝影師孟及來自「野狗行山隊」的Model Wendy同行，早上九點半就入到西貢，集合時間比近一年任何一次都要早，很好。
天氣也很好，路線本身是沿岸綑邊走，有海灘有登山有海景，仲有離島睇，集行山初階路線於一條路，簡單，無得彈。
愛行山的Wendy說，這是大細同樂徑喎；
對行山既有經驗又有興趣，我覺得Wendy真係一個好女仔。已經是第四次行大灘郊遊徑了，今次額外由灣仔跑去海下村，因為原訂要打邊爐但忘了帶火機，我跑出海下村買火柴，30分鐘的路，我用45分跑了一個來回，死不了算是好彩。
可惜最後個Gas爐還是塞住，撻不了火，看來我跟行山打邊爐實在無緣。
（其實行山打邊爐咁戇居的行為，憎到死！）